سياسة الخصوصية

١. البيانات اللي بنجمعها

دلوقتي، وإحنا في مرحلة قائمة الانتظار، بنجمع:

• —الإيميل — عشان نبلّغك لما نفتح.
• —رقم الواتساب — بنستخدمه عشان نتواصل معاك قبل الانطلاق ونظبط الاشتراك، ولتحصيل الاشتراك ما دام الدفع بالتحويل. مش بنستخدمه في أي تسويق تاني، ومش بنشاركه مع حد.
• —اللغة اللي اخترتها في الصفحة — عشان نبعتلك بيها.
• —عنوان الـ IP بشكل مؤقت — لتحديد معدل الطلبات ومنع الإساءة، وبيتمسح تلقائيًا.

٢. بعد فتح الاشتراك

لما تعمل حساب مشترك، بنضيف لكده:

• —اسمك، عشان يظهر في المجتمع.
• —حالة اشتراكك وتواريخه.
• —اللي بتكتبه في المجتمع.

٣. بيانات الدفع

إحنا مابنشوفش ومابنخزّنش بيانات كارت الدفع بتاعك إطلاقًا. الدفع بيتم مباشرةً من خلال بوابة Paymob، وهي اللي بتتعامل مع البيانات دي وخاضعة لمعايير أمان المدفوعات.

٤. مين بيشوف بياناتك

ما بنبيعش بياناتك ولا بنأجّرها ولا بنشاركها لأغراض إعلانية. بنستعين بمزوّدي خدمة بيعالجوا البيانات نيابةً عننا وبالقدر اللازم للخدمة بس:

• —Supabase — قاعدة البيانات وتسجيل الدخول.
• —Vercel — استضافة الموقع.
• —Resend — إرسال الإيميلات.
• —Paymob — تحصيل المدفوعات.
• —Bunny.net — تشغيل الفيديو.
• —Upstash — تحديد معدل الطلبات.

٥. التتبّع والإعلانات

بنستخدم Google Analytics عشان نفهم الناس بتوصل للموقع إزاي وبتقرا إيه. ده بيحطّ كوكي في متصفحك وبيبعت البيانات دي لجوجل. مابنستخدمش النتيجة في أي إعلانات، ومفيش بيكسل إعلاني من فيسبوك ولا تيك توك على الموقع.

ولو وصلت للموقع من إعلان، الرابط بيبقى فيه رقم بيحدّد الضغطة دي (fbclid من ميتا أو gclid من جوجل). بنحفظه في كوكي عندك لمدة ٩٠ يوم، وبنكتبه على طلبك إنت بس لو سجّلت — عشان نعرف الإعلان اللي جابك فعلًا. لو مادخلتش بياناتك، مابيتسجّلش عندنا أي حاجة عنك، والكوكي بيفضل في متصفحك وخلاص. مش بيتكتب في عدّ الزيارات اللي تحت، ومابيتشالش فيه أي حاجة تخصّك غير الرقم ده.

بنستخدم تحليلات Vercel بشكل مجمّع، وبنسجّل حدث واحد بس لما حد يسجّل في قائمة الانتظار، وبيتسجّل معاه اللغة وهل الرقم اتكتب ولا لأ — من غير الإيميل ولا الرقم نفسه.

وبنعدّ زيارات الصفحات العامة بنفسنا، عشان نعرف كام واحد شاف الصفحة. اللي بيتسجّل: اسم الصفحة، الموقع اللي جيت منه (اسم الموقع بس، من غير باقي الرابط)، اللغة، والوقت. ومعاهم رقم عشوائي بيتولد في المتصفح بتاعك ويموت أول ما تقفل التاب — موجود بس عشان لو فتحت كذا صفحة في جلسة واحدة ما تتحسبش كذا شخص.

ولو جيت من لينك في إيميل بعتناه، اللينك بيبقى فيه علامة بتقول إن الزيارة جاية من الإيميل ومن أنهي دفعة اتبعتت — ونفس العلامة بالظبط بتروح لكل اللي في الدفعة دي، مش مربوطة بشخص، وما بتعرّفش مين اللي دوس.

اللي مابنسجّلوش في العدّ بتاعنا إحنا، وده مقصود: مفيش عنوان IP، ولا نوع المتصفح، ولا كوكيز، ولا أي رقم بيفضل معاك بعد ما تقفل التاب أو بيتقري من مواقع تانية، ولا أي ربط بينك وبين حسابك أو رقمك. (ده بيوصف العدّ بتاعنا؛ Google Analytics بتاعتها قواعدها وبتحطّ كوكي زي ما قلنا فوق.)

اختيارك للغة بيتخزّن في متصفحك أنت (localStorage) وما بيوصلناش.

٦. مدة الاحتفاظ

بيانات قائمة الانتظار بتفضل عندنا لحد ما تطلب حذفها أو لحد ما نقفل الخدمة.

بيانات الاشتراك بنحتفظ بيها المدة اللي يفرضها القانون للسجلات المحاسبية والضريبية.

٧. حقوقك

من حقك تطلب نسخة من بياناتك، أو تصحيحها، أو حذفها بالكامل. ابعتلنا على بريد الدعم واذكر رقم الواتساب اللي سجّلت بيه، وهننفّذ.

حذف بياناتك بيلغي حسابك، وده إجراء نهائي.

٨. اللي سجّلوا عشان ياخدوا برومبت

بين أبريل وأكتوبر ٢٠٢٦، ناس كلّمتنا على السوشيال ميديا عشان تاخد حاجات نشرناها — برومبتات، ملخّصات كتب، فيديوهات — وإدّتنا إيميلها عشان نبعتهالها. اللي اتخزّن: الإيميل، الاسم لو اتكتب، الحاجة المطلوبة، وتاريخ الطلب.

دي بيانات منفصلة عن قائمة الانتظار، ومحفوظة منفصلة، عشان السبب اللي اتجمعت عشانه مختلف — سجّلت عشان البرومبت، مش عشان الكورس.

بعتنالك إيميل واحد عن الكورس من البريد الشخصي moatazsamyissa@gmail.com، وبيوضح إنك سجّلت عشان البرومبت. في كل إيميل زرار إلغاء بيشيلك نهائي بدوسة واحدة ومن غير تسجيل دخول، وبعده مش هيوصلك حاجة.

مابنشاركش البيانات دي مع حد، ومابنستخدمهاش في إعلانات، ومفيش بيكسل ولا تتبّع في الإيميل. ولو عايز نحذفها خالص، ابعتلنا على بريد الدعم.