مش كورس بتتفرّج عليه وخلاص.مجتمع بيتحدّث كل ما الـ AI يتغيّر.
فيديوهات جديدة بتتضاف أول بأول، جلسة لايف معايا كل ١٤ يوم، ومجتمع بالعربي تسأل فيه وتشارك شغلك. أي شغل بتشتغله — محاسبة، تسويق، مبيعات، تدريس — هنشتغل على إزاي الـ AI يوفّرلك فيه وقت. حتى لو عمرك ما استخدمت الذكاء الاصطناعي قبل كده.
لو الكلام ده بيحصلك، الكورس ده ليك
“شفت مية فيديو ولسه مش عارف أبدأ منين.”
أداة واحدة، بالترتيب، من أول درس لآخر مشروع — مش قايمة أدوات.
“كل يوم أداة جديدة وأنا لسه ماخدتش بالي من اللي قبلها.”
بتتعلم النموذج نفسه بيفكر إزاي، فأي أداة جديدة بعد كده بتاخد منك يوم.
“معنديش وقت بعد الشغل.”
درس واحد في اليوم من ٤ لـ ٩ دقايق، ومشروع تطبّقه في آخر كل وحدة.
مين اللي بيشرح؟
معتز سامي
معتز سامي. بشتغل Product Manager في شركة فينتك، وبعمل محتوى بالعربي عن الذكاء الاصطناعي لناس شغالين زيي: عندهم وظيفة من ٩ لـ ٥ وعايزين يطلّعوا منها أكتر.
الكورس ده مش نظري. أنا بنيت zomiq.app نفسه — الموقع اللي انت بتقراه دلوقتي — بكلود، من الصفر: الواجهة والداتابيز والدفع. وقبله بنيت تطبيقات ومواقع لمشاريعي الخاصة بنفس الطريقة. كل حاجة هتتعلمها هنا أنا استخدمتها في شغل حقيقي، بفلوس حقيقية، وشفت فين بتنجح وفين بتفشل.
ليه أداة واحدة؟ لأن اللي بيتنقل بين ١٠ أدوات بيفضل مبتدئ في العشرة. اللي بيتعلم أداة واحدة بعمق بيفهم النموذج نفسه بيفكر إزاي — وبعدها أي أداة جديدة بتاخد منه يوم، مش شهر.
وليه بالعربي؟ لأن كل اللي اتعلمناه عن الذكاء الاصطناعي كان مترجم، ومحدش كان بيتكلم عن مشاكلنا إحنا: التوكن بالعربي، الكارت المصري اللي بيترفض، الإيميل اللي بيطلع فصحى ناشفة. الكورس ده اتعمل من هنا، لناس هنا.
مفيش سر في الموضوع. كله عبارة عن:
تتعلّم
درس واحد في اليوم، من ٤ لـ ٩ دقايق. مش ساعتين مش هتلاقيهم.
تطبّق
على شغلك انت في نفس اليوم — مش على مثال جاهز في الفيديو.
شكله سهل وهو مكتوب. الصعب إنك تفضل ماشي من غير ما تقف — وإنك تعرف تنقل اللي اتعلمته على شغلك انت بالظبط. وده اللي الجلسات اللايف والمجتمع موجودين عشانه.
٧ وحدات
الوحدات ١ لـ ٣ مكتوبة ومتصوّرة. الباقي بينزل وحدة كل شهر.
التأسيس
إزاي بيشتغل وإمتى بيغلط
اعرض الدروس
- الفجوة
- ذكاء طبيعي ولا ذكاء اصطناعي؟
- تاريخ مختصر: من تورينج لكلود
- النموذج بيتدرب إزاي؟
- التوكن — بيقرأ كلامك إزاي
- عربي ولا إنجليزي؟
- الرحلة من سؤالك للإجابة
- الكونتكست ويندو — ذاكرته قد إيه
- ليه بيهلوس؟
- البحث في النت مقابل معلوماته المخزنة
- كلود وChatGPT وGemini
- حسابك: المجاني بيديك إيه بالظبط
- تدفع إزاي من مصر والخليج
- الإعدادات اللي محدش بيفتحها
- الخصوصية — تحط إيه وتحطش إيه
- أول محادثة حقيقية
- السؤال مش التعليمات
- الدور، المهمة، القيود، الشكل
- الأمثلة — أقوى حاجة في إيدك
- صلّح المدخل مش تسأل تاني
- لما يوافقك وهو غلطان
- تتأكد إزاي — المصادر والأرقام
- المشروع: سجل القرارات
شغلك اليومي
الملفات والإيميلات والاجتماعات
اعرض الدروس
- ارفع أول ملف
- الإيميلات بصوتك
- التقارير الطويلة
- الاجتماعات
- مراجعة شغل غيرك
- العربي: فصحى ولا مصري ولا خليجي
- الترجمة في الاتجاهين
- الكتابة بصوتك
- البحث اللي بيوصل لقرار
- تقارن وتقرر
- العروض التقديمية
- الـ Artifacts
- الكونيكتورز — وصّل كلود بشغلك
- الكونيكتورز في الشغل
- الـ Skills — تعلّمه شغلك مرة واحدة
- المشروع: نظام شغلك
البيانات والتحليل
من ٢٠٠ رسالة واتساب لجدول
اعرض الدروس
- الإكسل مش عدوك
- داتاك موجودة فين؟
- الداتا الوسخة
- مقارنة ملفين
- من الكلام للأرقام
- الصور والمستندات المصورة
- إمتى تسيبه يحسب؟
- تحليل مبيعات حقيقي
- إمتى الرقم بيكدب عليك
- البحث عن الشاذ
- تقسيم العملاء
- الرسوم اللي بتقول حاجة
- التقرير اللي المدير بيقراه
- الأرقام المالية الأساسية
- تحسب تكلفتك انت
- المشروع: قرار من داتاك
٤ وحدات لسه قيد الإعداد
- البناءموقع شغال على النت
- التطبيقات والأتمتةشغل بيمشي وانت نايم
- الشغل الحرتسعّر، تتفق، تسلّم
- المشروع الختاميقبل وبعد بالأرقام
الطبقة اللايف
بنصحّح اللي اتغيّر في الأدوات من آخر جلسة، بنجاوب على أسئلة مشروع الوحدة الحالية، وبنراجع شغل الطلبة.
مش هتتعلم AI. هتشتغل بيه.
ساعتين بقوا ٥ دقايق
مقارنة ملفين، التقرير الأسبوعي، متابعة اجتماع — الحاجات اللي بتاكل منك ساعات كل أسبوع. بتظبطها مرة واحدة صح، وبعد كده بتمشي لوحدها.
متروحش لمديرك برقم غلط
الـ AI بيخترع أرقام ومصادر وهو واثق تماماً. هتتعلم تمسكها في ٦٠ ثانية — قبل ما تكون في تقرير مكتوب عليه اسمك.
عربي متتكسفش منه
كلنا بعتنا إيميل طلع فصحى ناشفة في مكان كان محتاج كلام عادي. مصري، خليجي، فصحى — وإمتى تستخدم كل واحدة.
كورس مبيقدّمش
أي كورس اتسجّل السنة اللي فاتت، نصه بقى غلط دلوقتي. هنا جلسة لايف كل أسبوعين بنصحّح فيها اللي اتغيّر — وعشان كده اشتراك، مش شراية مرة واحدة.
الكورس ده مش هيعملك إيه
كل كورس بيقولك هتبقى إيه. دي الحاجات اللي مش هتبقاها:
- مش هتبقى مبرمج. هتبني مواقع شغالة، بس أي حاجة بتمس بيانات عملاء محتاجة حد تقني يراجعها.
- مش هنضمنلك دخل ولا عميل. اللي بيضمنلك ده بيبيعلك حلم.
- مش هيخليك مستغني عن مصمم ولا محاسب ولا محامي.
- مش هتبقى خبير في ١٠٠ يوم. الخبرة بتيجي من الاستخدام المتواصل ٦ لـ ١٢ شهر — والكورس بيختصر أول ٦ شهور منهم.
لو ده مش اللي بتدور عليه، الكورس ده مش ليك. وأحسن تعرف دلوقتي.
طب ليه ما أتفرجش على يوتيوب وخلاص؟
سؤال عادل. ده الفرق بالظبط:
| طب ليه ما أتفرجش على يوتيوب وخلاص؟ | فيديوهات مجانية | كورس برومبت ٣ ساعات | زوميك |
|---|---|---|---|
| منهج مرتب | كل فيديو لوحده | أه، بس قصير | ٧ وحدات بترتيب |
| تطبيق يومي | لأ | تمارين قليلة | درس ومشروع كل وحدة |
| جلسة لايف كل أسبوعين | لأ | لأ | أه |
| بيتحدث لما الأدوات تتغير | أحيانًا | لأ — متسجل مرة واحدة | أه، ده سبب الاشتراك |
| التكلفة | ببلاش | دفعة واحدة | ٨٠٠ ج.م / شهر |
منهج مرتب
تطبيق يومي
جلسة لايف كل أسبوعين
بيتحدث لما الأدوات تتغير
التكلفة
بتاخد إيه بالظبط
- ٧ وحدات — الوحدات ١ لـ ٣ متاحة، والباقي وحدة كل شهر
- دروس مسجلة من ٤ لـ ٩ دقايق تتفرج عليها في وقتك
- جلسة لايف كل ١٤ يوم — ومتسجلة لو ملحقتش
- مسار صناعة الفيديو بالذكاء الاصطناعي — لايف فقط
- مجتمع بالعربي تسأل فيه وتشارك شغلك
- قوالب ومكتبة برومبتات جاهزة
٨٠٠ج.م / شهر
احجز سعر المؤسسيناحجز مكانك
أسئلة متكررة
محتاج خبرة سابقة؟
لأ. أول وحدة بتبدأ من "يعني إيه AI أصلاً" وبتعدي على إزاي الموديل بيتدرب وليه بيغلط — من غير أي رياضيات ولا خلفية تقنية. لو استخدمت ChatGPT قبل كده كسيرش، انت في المكان الصح.
بتعلّموا أنهي أدوات؟
كلود هو الأداة الأساسية اللي بتتعلمها بعمق — لإن أداة واحدة كويس أنفع من ٢٥ أداة بسطحية. وبنستخدم ChatGPT وجيميني للمقارنة، Lovable لبناء المواقع بسرعة، وأدوات الصور والفيديو في تراك الاستوديو. كل أداة بنقولك تكلفتها بالجنيه، وإمتى تستغنى عنها.
هدفع كام في المجموع كل شهر؟
٨٠٠ جنيه للكورس. والأدوات نفسها ليها اشتراكات لو احتجتها مدفوعة. في درسين كاملين عن ده — قد إيه تقدر توصل بالمجاني، وإزاي تدفع من مصر لما الكارت يترفض. مش هنسيبك تكتشف التكلفة في النص.
الجلسات لايف ولا مسجلة؟
الدروس مسجلة عشان تتفرج عليها في وقتك — من ٤ لـ ٩ دقايق الدرس. والجلسات لايف كل أسبوعين، وبتتسجل عشان اللي بيلحقش.
هدفع إزاي؟
سجّل دلوقتي واحجز سعر المؤسسين. لسه بنجهّز بوابة الدفع، وأول ما تفتح هنبعتلك اللينك. مش هيتخصم منك حاجة قبل ما توافق.
إمتى بيفتح فعلاً؟
الانطلاق ١ ديسمبر ٢٠٢٦. الوحدة الأولى ٢٣ درس، ساعتين — وبعدها وحدة كل شهر. سجّل دلوقتي وتقفل سعر المؤسسين ٨٠٠ ج.م.